Bu gün başda cənab General Əli Nağıyev olmaqla, bu dövləti ana kimi sevən doğmalarımızın, bu dövlət üçün heç düşünmədən gözüyumulu bütün fədakarlıqlara hazır olan, heç zaman gözə görsənməyən İgid Oğullarımızın peşə bayramıdır!
Ulu öndər Heydər Əliyevin 1997-ci ilin martında imzaladığı Sərəncamla hər ilin bu günü – martın 28-i Azərbaycan Respublikasının təhlükəsizlik orqanlarının əməkdaşları tərəfindən peşə bayramı kimi qeyd olunur.
Azərbaycanın təhlükəsizlik orqanlarının əbədiyaşar lideri Heydər Əliyev deyirdi ki: “Dövlətin təhlükəsizlik orqanı o vaxt qalib gəlir, öz vəzifəsini layiqincə yerinə yetirir ki, orada peşəkar kadrlar və iş üslubu olsun”. Bu gün peşə bayramlarını böyük ruh yüksəkliyi ilə qeyd edən DTX əməkdaşları peşəkarlıq və müasir iş üslubu ilə çalışaraq xalqımızı və müstəqil dövlətimizi xarici qəsdlərdən və düşmən qüvvələrin təxribatlarından qətiyyətlə qoruyur, milli təhlükəsizliyin təmin edilməsində, xarici xüsusi xidmət orqanlarının kəşfiyyat-pozuculuq fəaliyyətinin qarşısının alınmasında, beynəlxalq terrorçuluğa qarşı mübarizədə xalqımıza və dövlətçiliyimizə sədaqət və əsl vətənpərvərlik nümunələri göstərirlər.
Peşə bayramı münasibətilə Azərbaycan Respublikasının dövlət təhlükəsizliyi orqanının bütün əməkdaşlarını səmimi qəlbdən təbrik edir, möhkəm cansağlığı, Müzəffər Ali Baş Komandan cənab İlham Əliyevin rəhbərliyi ilə doğma Vətənin daimi tərəqqisi, təhlükəsizliyi və daha da qüdrətlənməsi naminə şərəfli xidmətlərində yeni-yeni uğurlar arzulayırıq! Allah xalqımızı, dövlətimizi, dövlət başçımızı, dövlətçiliyimizin keşiyində dayanan qeyrətli İgid oğullarımızı qorusun! Amin İnşallah!
Xuraman Muradova
“VİP Milan” Hospitalın direktoru,
Türk dünyası araşdırmaları Beynəlxalq Elmlər Akademiyasının fəxri professoru,
“Türk dünyası Onur”, “Altın yıldız”, “Humay” Milli Mükafatı laureatı,
Vektor Elmlər Akademiyasının fəxri professoru,
Azərbaycan və Türkiyə Yazarlar Birliyinin üzvü
